Endlich!
Jetz gäht‘s aufm Herbstfest rund
Lebn und lebn lossn – auf da Wiesn in Rosenheim wead a boarisches Urgesetz beischpuihaft umgsetzt. Foto stuffer
Zeit is worn, endlich hod de Warterei a End: Heid middog umara zwäife haun aufm Rosenheimer Herbstfest da Landrat und de Obabuagamoasdarin mitm Schlegl an Wechsel – so hoaßt des Messing-Zapfzeigl in Bayern – in de erstn zwoa Bierfassl eine. Dann hoaßt‘s wieda: „Ozapft is!“ Und glei danoch: „Oans, zwoa, gsuffa!“
Rosenheim – Do san se vui einig: So friedle, gmiatle und boarisch wie des Rosenheimer Herbstfest is koa zwoate Wiesn im Freistaat.
Ois is gricht: As Wiesnmärzn is braut, d‘Masskrieg san gschpült, de Disch poliat, de Ledahosn und as Diandlgwand kafft und olle Festkutschn samt Rösser fesch aussaputzt