Zum Begriff Heimat: „Wenn i do owe schau,…de schena Leid,… na ja,… des schene Gewand, ja des is Heimat.“
Zu den Rosenheimer Baustellen: „Straßen auf, Straßen zua. Oh, as Herbstfest kimmt – Straße zua und dann aba glei wieda auf. Oa Loch auf und oh, no oans und de andan san no gar ned zua – aber oiss sauber koordiniert natürlich. Bin bloß gspannt, wos do obgeht, wenn de moi as koordinieren vergessn.“
Zum Eisstadion: „Auf meiner Insel is natürlich a koa Eisstadion. Des war sche für Sie, gell Frau Bauer. Wenigstens do damit koa Ärger. Aber des hod sich ja jetzt erledigt. Jetzt ham‘s wenigstens de Kuah vom Eis.“
Über Zweiten Bürgermeister Anton Heindl: „Na, in Berlin do ham‘s ja 24000 Liter Bier braucht. Bei der Greana Woch in der Bayernhalle. Wahnsinn. Allerdings doch a koa Wunder, weil da Heindl Toni beim Ozapfa scho fast 50 Liter verbritschld hod.“
Über Bitcoins: „Mia war’s doch liaba in einer stabilen Währung – Biermarken für d‘ Wiesn.“
Zu den Kreiskliniken: „I mach an mobilen Kreißsaal auf. Ja, i bau an Lastwogn um, oiso auf olle Fälle koan Diesel, und deck damit den Raum Bad Aibling ob. Hebammen hob i scho a paar an der Hand, und fahrn dua i selba. Oiss bessa, ois wia wenn die in Wasserburg auf
d‘Welt kemma müassn.“
Über Oberbürgermeisterin Gabriele Bauer: „Oder warn’s in Sindlhausen und ham an oanzig wahren Polizeicop Kopp seine Dienstpferdl gstreichelt? Gell, Sie mägn de Gaul gern, stimmt‘s? Ja, de redn Eahna a ned dagegn. Streichln’s hoid liaba moi wieda unserem Lieblings-Landrat über’s lichte Haar. Der braucht’s a. Ja, der is ja so sensibel.“
Über Landrat Wolfgang Berthaler: „Do is da Herr Landrat aba ned mitkemma, wos er moant, da Bodygard. Der konn nämlich bloß Schafkopfa, Wattn und bsonders guad Hudln.“
Über Tirol: „Sogt’s amoi geht’s no? Pförtnerampel und Lkw-Blockabfertigung? Mia warn doch moi Spezln und jetzad soichane Sachan. Und mia san no so bläd und fahrn zu eich zum Schifahrn und bringan eich unser Geld. I glaab ja, ihr macht’s des ja a bloß, weil da Dreßen die Streif gwonna hod.“
Zum „Bergsteiger“-Dorf Sachrang: „Aba dafür ham de Sachranger endlich de neien Ortsschilder kriagt mit dem Zusatz ,Bergsteigerdor‘“. Ja und scho, sog i. Wenn Rosenheim mächat, kanntn de draufschreim – ,Hochschulstadt mit erstem zertifizierten Puff Deutschlands‘. Ja, Tatsache. Und wer hod des gschafft? Wahrscheinlich der Herr Bugl und sei Wirtschaftsförderung.“
Zur OB-Nachfolge: „Oiso, CSU-ler, i dat de ned so weit nausschiabn, de Entscheidung. Ned, dass dann no an Oidn irgendwo nausziagn müaßts – ja, so wia de Bayern an Jupp Heynkes.“(…) „Aba i hob ja ghärt, dass A.D. sich scho wieda moi zu einer Frischzellenkur und Hautstraffung ogmeld hod, und bereits im Darknetz auf der Suche noch am neia Ausweis mit passendem Geburtsdatum is.“