Liebe OVB-Leser,
liebe zukünftige Festgäste,
a herzlichs Griaß God vom Festausschuss.
A Dreivierteljahrhundert Landjugend in Prutting. Des ghert natürlich gfeiert.
Kaum is des letzte Fest 2018 umme gwen, war scho de Frage do, ob wir de 75 Jahr a feiern. Do ham ma ned lang überleng miasn, bis de Entscheidung gfoin is: Wir stellen 2023 wieder a Festzelt auf. Der neie Festausschuss is gegründet worn und im Januar 2022 san wir dann intensiv in de Planungen gestartet. Vui Stundn und lange Abende san wir zam gsitzt und ham Pläne geschmiedet. Der Spaß is aba in koana Sitzung zu kurz kema. Meistens ham wir uns auf a guade Brotzeit und a Bier dahoam oder beim Wirt droffa. Do entstehen nämlich de bestn Ideen.
Umso näher des Fest hergruckt is, desto detaillierter und komplizierter san Fragen, Entscheidungen und Antworten gworn. Auch Treffen mit da Brauerei, unserm Festwirt oder de Weinprobe san in letzter Zeit no ogstandn. De Vorbereitungszeit war natürlich anstrengend, aber hod uns olle a an haufa Spaß gmacht.
Wir san wahnsinnig stolz drauf, wos de Landjugend Prutting immer schafft und meng uns bei da Vorstandschaft, bei den Mitgliedern, Helfern und Gönnern für de Unterstützung bedanken. Ohne Eich kannt des Fest ned stattfinden. Wir san hochmotiviert und kennans kaum no dawartn, bis endlich wieder los geht und es in Prutting wieder hoast: „Ein Prosit der Gemütlichkeit!“. Wir gfrein uns auf Eich und wünschen Eich vui Spaß bei uns im Zelt!